Këngëtarja Xhensila Myrtezai dhe aktori Bes Kallaku i kanë dhënë fund beqarisë, të cilët kurorëzuan mbrëmjen e djeshme dashurinë e tyre.
Momenti i betimit për dashuri të përjetshme në altar, është shoqëruar sa me momente romantike, edhe me batuta humori.
Besi si gjithmonë, nuk i kurseu batutat plot humor, duke iu drejtuar me këto fjalë Xhensilës: “Nuk të premtoj që s’do pijë kurrë në jetë, por të premtoj që çdo herë do zgjohem esëll… Të premtoj që do ul çmimin e ujit… Xhensila Myrtezaj, që sot e mbrapa do jesh Xhensila Kallaku”.
Por nga ana e saj këngëtarja u shfaq më romantike në fjalët e thëna për të shoqin.
“Unë Xhensila po bëj realitet ëndrrën time të bardhë… po shoh veten të veshur kështu, po të shoh ty në sy për të besuar që je i vetmi që e bën realitet këtë ëndërr. Bashkë po nisim një fletë tjetër sot. Unë betohem ta bëj jetën time përgjithmonë tënden dhe të vazhdoj t’i ndërtoj ëndrrat e mia me ty siç kam bërë deri më tani. Të jem bashkëshortja jote, por mbi të gjitha shoqja jote më e ngushtë. Të premtoj sot, për një familje plot jetë e një shtëpi plot dritë. Sot, unë betohem se e jotja jam dhe se mezi pres të kaloj çdo ditë dhe çdo pjesë të mbetur të jetës sime me ty. Ti je frymëmarrja ime Bes, ti do më mungoje mua edhe nëse s’do të të kisha takuar kurrë më parë”, tha Xhensila.
Në fund gjithçka u përmbyll me puthje dhe përqafim romanik, nën tingujt e këngës “I will always love you”.
