Zjarri në Martanesh vijon të jetë aktiv që prej 3 ditësh, ndërsa flakët kanë djegur 150 ha pyje dhe shkurre.
Mësohet se në vendin e ngjarjes ndodhet vetëm një zjarrëfikëse, e cila e ka të pamundur që të mbajë në kontroll situatën.
Banorët japin alarmin se flakët i janë afruar minierave, ndërsa në rrezik janë vënë makineritë. Dje disa banesa u dogjën, ndërsa disa familje u euvakuuan. Po ashtu, flakëve nuk u shpëtuan as disa kasolle për bagëtitë.
Më e përshkallëzuar ka qenë situata në fshatin Lenë, ku u evakuuan 10 familje.
