Ukraina dhe Rusia kanë vendosur të ulen në një tryezë të përbashkët në Stamboll, duke lënë pas mosmarrëveshjet e konfliktit të armatosur. Marrëveshja e firmosur mes dy palëve për grurin ka ndikuar në uljen e çmimit të drithit dhe grurit në gjithë botën me 2%. Por çfarë pritet të ndodhë me Shqipërinë? Pavarësisht se çmimi i grurit në botë po shënon ulje pas marrëveshjes së parë “historike” mes dy vendeve në konflikt, nuk dihet nëse ky fakt do të ndikojë edhe në uljen e çmimit të bukës dhe produkteve të grurit në Shqipëri. Kujtojmë që buka ka pësuar rritje në vendin tonë, nga 80 lekë që ishte para konfliktit në Ukrainë, ka “kapërcyer” në 120 lekë. Shpresojmë që pas kësaj marrëveshje të kemi një reagim të shpejtë të Bordit të Transparencës dhe të ndryshojë çmimin e disa nga produkteve të shportës, si mielli dhe makaronat etj.
Uljen në rang botëror të çmimit të grurit e raportoi BBC menjëherë pas marrëveshjes në Stamboll.
Lejimi i eksportimit të mbi 20 milionë ton grurë nga Ukraina, ka bërë që çmimi të bie për 2% sot.
Marrëveshja është nënshkruar në Stamboll dhe është ndërmjetësuar nga Turqia dhe OKB-ja.
Ukrainën e ka përfaqësuar ministri i Infrastrukturës, Oleksandr Kubrakov, ndërsa Rusinë, ministri i Mbrojtjes, Sergei Shoigu
