“Nuk e harroj kurrë momentin kur erdhe në pallat të pionierit dhe kërkoje një vajze të vockël për të kënduar këngën “Telefonatë Zemrash”. Nuk e harroj kurrë momentin kur më zgjodhe mua“. Kështu e ka shprehur dhimbjen këngëtarja Mariza Ikonomi për ndarjen nga jeta të kantautorit Françesk Radi.
Përmes një postimi në rrjetet sociale Ikonomi shprehet se kënga që këndoi me Radin ishte dhe mbeti një thirrje e bukur zemre dhe sot rreh edhe më fort në zemrën time dhe vazhdon këndon…
Statusi i plotë:
Eh profesor i dashur…
Nuk e harroj kurrë momentin kur erdhe në pallat të pionierit dhe kërkoje një vajze të vockël për të kënduar këngën “Telefonatë Zemrash”. Nuk e harroj kurrë momentin kur me zgjodhe mua.
Vërtet me zgjodhe mua por edhe un të zgjodha ty, që kur pashë tek ty një Artist të Madh me një profesionalitet të hekurt dhe një zemër të pastër e të kulluar si ajo e një fëmije ashtu siç isha edhe un. Mezi prisja orët e provave që të këndoja këngën. Ajo këngë vërtet ishte dhe mbeti një thirrje e bukur zemre dhe sot rreh edhe më fort në zemrën time dhe vazhdon këndon… A mund t’ja shuajmë diellit atë zjarr, a mund t’a shterim një oqean, Ashtu nuk treten edhe ndjenjat e mia për ty , le të jemi sado larg Profesor, mik i dashur…
https://www.youtube.com/watch?v=M13gwrr_xrI
