Edicioni i 17 i Festivalit Ndërkombëtar i Vokalit Operistik “Marie Kraja” çeli siparin të premten, me 15 konkurrentë nga Kina, Koreja e Jugut, Turqia, Shqipëria, Greqia, Italia, Franca, Rusia, Ukraina dhe Spanja.
Mbrëmjen e djeshme, juria është mbledhur për të vendosur se cilët do të jenë 8 finalistët për të shpallur mbrëmjen e sotme më të mirët e edicionit të 17 të Festivalit Ndërkombëtar “Marie Kraja” në 20-vjetorin e themelimit. Juria ndërkombëtare kryesohet nga drejtori i Opera Europës, Nicolas Payne.
Finalja e së shtunës kulmon me 4 çmime: çmimi i parë, i dytë, i tretë dhe kënga më e bukur.
Të ftuar specialë do të jenë tenori me famë botërore, drejtor i rrjetit të operave të Turqisë, Murata Karahan dhe me performancën ekskluzive për herë të parë në Shqipëri të violinistit Elvon Hoxha, fitues i kompeticioneve më të rëndësishme ndërkombëtare.
/tch/
