Ish ministri i Drejtësisë Ylli Manjani ka deklaruar se për çështjen e vetëdorzimit të Kelmend Balilit padyshim që është ekzagjeruar.
Manjani i ftuar në studion e lajmve në Fax News, theksoi se çështja duhet të shkojë në sallën e gjyqit dhe prokurorija të vërtetojë akuzat.
“Padyshim që për këtë çështje jam i bindur se ka ekzagjerime. Edhe kjo meriton të shkojë në vendin e vet në sallën e gjyqit. Ku prokurorija duhet të vëretojë akuzat e veta. Që mesa di unë akuzat i ka ngritur prokuroria greke dhe jo ajo shqiptare. Gjithë debatii mbi çështjen janë muhabete që fryhen e fryhen e fyryhen, unë nuk e di por duhet të flasë gjykata. Dua të komentoj pak fjalën “magjistari”. Është spekatkël! Policia nuk paska qenë në gjendje të arrestojë një njeri!? Unë këtë nuk e besoj. Për mua është spektakël! Ti bësh tre vite policisë xhiro dhe policia nuk paska qenë e aftë që të arrestojë një njeri.
Policia duhet të ekzekutonte një urdhër arresti ndërkombëtar që kishin për ndalimin e Balilit dhe nuk e bënë dhe e pranoi dhe vetë që ai është njëri i lirë. Kjo është skandal për shtetin, dhe pastaj kur është ngritur akuza zyrtare nga prokuroria shqiptare dhe gjykatat e Krimeve të Rënda ka lëshuar urdhër arresti këtu pastaj është bërë e detyrueshme dhe për ligjin shqiptar. Për llogari të Interpoliti duhet të ishte arrestuar dhe dikush duhet të mbajë përgjegjësi për këtë gjë.”- u shpreh Manjani.
/fax.al/
