Ministrja e Shëndetësisë dhe Mbrojtjes Sociale Ogerta Manastirliu deklaroi nga foltorja e Kuvendit se skema e re e ndihmës ekonomike i ka dhënë mundësinë mbi 10 mijë familjeve të reja, që me skemën e vjetër përjashtoheshin për kritere absurde, të përfitojnë për herë të parë ndihmë ekonomike në Janar 2018.
Duke deklaruar se skema e re e ndihmës ekonomike ka mundësuar që 15 mijë familje që deri dje merrnin ndihmë, sot marrin ndihmë të plotë deri në 8,000 lekë plus subvencionet, Manastirliu deklaroi se kjo skemë që po zbatohet synon të mbulojë jo më 14% por 60 % të popullsisë së varfër: Që do të thotë, 4 herë më shumë familje do të përfitojnë gjatë zbatimit të këtij programi.
Ministrja Manastirliu deklaroi gjithashtu se sistemi elektronik nuk lejon më abuzimet me fondet e ndihmës ekonomike.
