Ministrja e Shëndetësisë Ogerta Manastirliu, deklaroi se në të gjitha qendrat shëndetësore janë mundësuar 368, 000 vaksina falas kundër gripit.
Nëpërmjet një statusi në “Facebook” Manastirliu shkruan se ekspertët e vaksinimit kanë realizuar me profesionalizëm procesin e një vaksinimi të sigurt duke mbrojtur në këtë mënyrë stafet mjekësore , të moshuarit dhe grupet më të rrezikuara me vaksinat falas kundër gripit sezonal.
Statusi:
Mirënjohëse për punën e palodhur të vaksinatoreve dhe ekspertëve të vaksinimit që po i përgjigjen me profesionalizëm e përkushtim qytetarëve, duke garantuar një proces vaksinimi të sigurt dhe efikas kundër gripit, në të gjithë qendrat shëndetësore në vend, në zbatim të strategjisë së Vjeshtë-Dimrit
368,000 vaksina #falas
Mbrojmë stafet mjekësore, të moshuarit dhe grupet më të rrezikuara me vaksinat falas kundër gripit sezonal.
