Ish-deputeti socialist dhe ish kreu i PS për Durrësin, Edison Konomi, aktualisht është Drejtori i Përgjithshëm i Agjensisë Kombëtare të Mjedisit, emërim ky i bërë nga kryeministri Edi Rama.
Konomi gjithashtu është edhe ndërtues, madje sipas denoncimit të bërë nga anëtari i Kryesisë së PD, Jamarbër Malltezi, një prej pallateve të shembura nga tërmeti i 26 nëntorit dhe ku humbën jetën 4 persona, i përket pikërisht këtij.
Por, sipas Malltezit, pavarësisht kësaj, në vend që të përballet me drejtësinë, mban ende postin që miraton leje mjedisore për ndërtim.
“Ish kreu i PS Durrës, ish doganier, ndërton pallat që i shembet dhe vdesin 4 vetë. Në vend që të përballet me drejtësinë e emërojnë drejtor agjensie mjedisi dhe miraton leje mjedisore për ndërtime edhe brenda zonave të mbrojtura. #Rilindje”, shkruan Malltezi
Konomi ka qenë nëndrejtor i Doganës së Durrësit në vitin 2013. Ps ardhjes në pushtet të PS qëndroi gati edhe një vit tjetër në këtë detyrë dhe më pas u transferua në doganën e Kakavijës (2014) dhe më pas në atë të Fierit (2015).
Arbana i Shijakut gati për në SPAK, 3 tendera pa garë për 6 ditë, Astrit Varaku dhe Avni Mula marrin 600 MLN lekë
Elton Arbana gati për në SPAK! Në tre tenderat e fundit ka ngritur “Flamurin e kuq” të Open Data Albania,...
