Policia e Fierit ka arrestuar katër gra dhe një burrë, pasi akuzohen për prodhim të lëndëve narkotike. Gratë e moshës 30-47 vjeç janë kapur në flagrancë duke përpunuar kanabis në banesën në pronësi të 24-vjeçarit Gazment Allkaj, në Mallakastër.
Në pranga janë vënë shtetasit: Gazment Allkaj, 24 vjeç; L.J., 41 vjeçe; F.J., 30 vjeçe; O.J., 47 vjeçe; I.J., 31 vjeçe.
Arrestimi u bë pas informacioneve operative se në banesën e shtetasit Allkaj ishte në proces përpunimi një sasi lënde narkotike kanabis.
Në banesën në fshatin Çorush është gjetur dhe sekuestruar në cilësinë e provës materiale rreth 349 kg lëndë narkotike, një pjesë në proces përpunimi.
Materialet procedurale i kaluan Prokurorisë pranë Gjykatës së Shkallës së parë Fier për veprën penale “Prodhimi dhe shitja e narkotikëve”.
