Tom Cruise është zhvendosur në Romë për të xhiruar skenat e reja të filmit “Mission Impossible”. Mirëpo gjatë ditës së sotme ai ka shpëtuar për një fije, pasi ka rrezikuar jetën e tij duke aktruar.
Tom u shfaq duke ecur në një rrugë me një makinë Fiat 500 dhe me të ka xhiruar një skenë të rrezikshme, me të cilat zakonisht i pëlqen të sfidojë veten. Në momentin që ishte duke udhëtuar, makina goditi një kalldrëm, u ngrit në ajër dhe për pak u rrokullis. Menjëherë pas ngjarjes ai doli nga makina i qetë, ndërkohë gjithë stafi i filmit ju afruan të shqetësuar.
Cruise shoqërohej edhe nga kolegia e tij Hayley Atwell gjatë xhirimeve të skenës me makinë. Xhirimet e filmit “Mission Impossible” po shkojnë gati drejt fundit, pasi për një kohë u anuluan për shkak të pandemisë së Covid-19.
Në muajin tetor stafi i filmit kaloi një krizë të vërtetë, sepse 12 persona rezultuan pozitiv nga Covid-19. Ndërkohë gjatë këtyre xhirimeve të fundit, Tom është parë duke u kujdesur për veten, ndërkohë që mbante një maskë të zezë në fytyrë.
