E keni vënë re dhe ju besoj sa herë i shihni vajzat e famshme të ekranit shqiptar që ngjajnë njësoj. Vetulla të trasha të krijuara me laps, buzët, make-up i fytyrës, madje dhe modeli i flokëve i bëjnë ato të ngjajnë si pika uji dhe pse secila prej tyre ka fizionominë e vet natyrale.
Revista Class i ka kushtuar një artikull këtij fenomeni duke sjell aryset pse ndodh kështu dhe fotot ilustruese të disa prej vajzave këngëtare e modele shqiptare. Duket sikur ua ben makeup-in e njejta dore.
“Çdo kohë ka modën e saj. Po të shohësh foto të vjetra, mund ta kuptosh shumë mirë. Ashtu si mund ta kuptosh modën e sotshme, kur sheh fotot e vajzave të famshme të ekranit, të cilat pasi mbarojnë seancën e grimit, postojnë selfie-n e radhës. Nëse i mbani mend nga pak vite më parë, ato kishin të gjitha fizionominë e tyre, të cilën tani, grimi në modë, ua maskon për të krijuar imazhin e kohës.
Ja si është ai në vija të trasha: Vetullat shumë të plota dhe të lyera; Qerpikët mundësisht fals, ose të lyer deri në atë pikë sa duken si prej plastike; Fytyra e konturuar; Buzët shumë të lyera me buzëkuq kryesisht mat dhe të fryra; Rezultati, një fytyrë me grim sipas modës së fundit, pak rëndësi ka kush është poshtë tij.”, shkruan kjo revistë.
