Myrto Uzuni vazhdon të jetë mjaft i angazhuar në këto ditët e fundit të këtij viti. Sulmuesi i Shqipërisë ka vendosur që të suprizojë fëmijët e Bashkisë Dimal.
Beratasi ka shpërndarë dhurata ditën e djeshme për fëmijët me aftësi të veçanta dhe ata që janë jetimë, duke i bërë sadopak të lumtur dhe të ndjejnë emocionet e festave të fundvitit.
Është vëllai i Uzunit, Asi Uzuni ai që ka zbuluar gjestin fisnik të lojtarit kuqezi. Asi shprehet mjaft krenar për Myrton, i cili nuk harron asnjëherë se nga vjen dhe që ka një zemër të madhe.
“Sot, vëllai im Myrto Uzuni tregoi se madhështia e vërtetë nuk matet vetëm në fushë, por në zemër.
Një gjest plot dashuri, mbështetje dhe shpresë për fëmijët me aftësi të kufizuara dhe fëmijët jetimë në Bashkinë Dimal.
Fjalë inkurajimi, përqafime dhe besim për një të ardhme më të fortë.
Respekt pa fund për zemrën që nuk harron kurrë nga vjen”, ka shkruar vëllai i Uzunit. Ndërkohë vlen të theksohet se Myrto javët e fundit ka qenë në qendër të vëmendjen jo për paraqitjet e tij në fushën e lojës, por për paratë e hedhura “lumë” në dasmën e motrës së tij. Gjë e cila shkaktoi “tërmet” në publik, të cilët u ndanë në dy “kampe”. Kishte nga ata që e duartrokitën, ndërsa të tjerë e konsideruan të tepër.
