Aktori shqiptar Marko Caka, i njohur për sukseset e tij në kinematografinë ndërkombëtare ka postuar një fotografi me një të moshuar të pastrehë. Kjo është “kartolina” që aktori ka zgjedhur të publikojë për Krishtlindje.
“Unë dua ta festoj kështu… Kam vendosur ta bojkotoj Instagram-in duke zvogëluar postimet e shpeshta sepse më është shpifur ai luksi i tepruar Instagramistave shqiptarë (gjoja VIP) ku përreth tyre jeton vetëm skamja. Mbrëmë ishte darka ime e parë pas kaq kohe, ku isha i ftuar tek një mik i imi në New Jersey, sepse sado që pagën e kam sa katërfishin e kryeministrit shqiptar, ju betohem se nuk gjej kohë të shlodhem, jo më të bredh pas darkave festive duke bërë dhurata të pafund si instagramistët shqiptarë. Ma keni shpifur që nuk i hidhni sytë sadopak tek njerëzit përreth jush të mbledhur pranë sofrës të pangrënë. Merry Christmas!”, ka shkruar Marko Caka në facebook.
