Fondi Shqiptar i Zhvillim po mendon për komisionerët, numëruesit dhe anëtarët e tjerë që përfshihen në procesin zgjedhor 2025. Më konkretisht, Agollli po kujdeset që ata të akomodohen në kushte të përshtatshme. Prandaj ai ka avancuar tenderin me objekt Loti 3: “Shërbimi i mbikëqyrjes së punimeve për “Mbështetje për infrastrukturë akomoduese të KQZ, investime pilot për transformimin e infrastrukturës se shërbimeve dhe rritjes se standardit te jetës në komunitet , transformimi i infrastrukturës akomoduese “.
Mbikëqyrja duket një mision i mjegullt kur nuk i gjenden gjurmët as projekteve që pretendohet se kanë nisur punën.
Ne kemi shqyrtuar me kujdes dokumentet dhe askund nuk sqarohet se për çfarë ndërhyrjesh bëhet fjalë, cilat “pika akomoduese” përfiton KQZ. Nuk e dimë se sa është vlera e projektit, megjithatë një gjë është e sigurt se mbikëqyrja e punimeve kushton jo pak, por 188 milionë lekë. Ndoshta KQZ po bëhet me godinë të re?
Sipas të dhënave të tenderit, komisioni ka nisur procedurat më datë 9 gusht 2024. Gjatë kësaj kohe kanë dorëzuar dokumentet pranë komisionit 25 kompani, por u fshinë me një të rënë të lapsit të Dritan Agollit.
Pra, që në fazën e parë komisioni i Agollit ka përjashtuar nga gara 24 oferta. Propozimi i vetëm që mbeti për shqyrtim ishte vlerë 156 milionë lekë, e dorëzuar nga operatori “STUDIO-REBUS”
Ky është shpallur fitues pa konkurrencë. Pavarësisht se kontratat është mbajtur në sirtar deri më datë 23 shtator 2024, Open Data Albania i ka vendosur tenderit ‘Flamurin e Kuq’. Kjo është shenja e riskut të korrupsionit dhe është dhënë për cenimin e konkurrencës. Oferta e STUDIO-REBUS nuk ishte më e ulët se të tjerat. Po ashtu janë skualifikuar të gjithë operatorët përveç fituesit.Në dokumente tregohet se të paktën 3 kompani të tjera kishin oferta nga 150 milionë lekë
Fondi Shqiptar i Zhvillimit shquhet për mungesën e transparencës me fondet e prokuruara.
Kujtojmë se një ditë më parë në denoncuam se si FSHZH kishte dhënë 5.7 milionë euro biznesmenëve të akuzuar për mashtrim.
Vetë drejtori i FSHZH, Dritan Agolli është kallëzuar në SPAK për korrupsion në lidhje me fondet e projektit për “100 fshatrat turistikë”. Prokuroria e Posaçme ka nisur hetimet për kreun e Fondit Shqiptar të Zhvillimit, Dritan Agolli pas publikimit të tenderit të dyshimtë që kap vlerën e rreth 400 mijë eurove.
Burime nga SPAK, thanë se hetimet për këtë rast kanë nisur kryesisht pas publikimit në media të informacioneve rreth tenderit të zhvilluar nga Fondi Shqiptar i Zhvillimit me objekt përgatitjen e një menuje për projektin e “100 fshatrave”.
Fondi Shqiptar i Zhvillimit ka shpallur fitues kompaninë Mascarpone sh.p.k në pronësi të Alfio Rrotanit dhe Endrit Maci person fizik.
Nga verifikimet në Qendrën Kombëtare të Biznesit rezulton se fituesi i tenderit, Alfio Rrotani punon si shef kuzhine në një restorant luksoz që është në pronësi të djalit të Dritan Agollit, drejtorit të Fondit Shqiptar të Zhvillimit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/201
