Genta Kaloçi ka shokuar rrjetin me postimin e saj të fundit në Facebook duke shprehur kënaqësi për vdekjen e djalit 18-vjeçar të shkrimtares Flutura Açka.
Të panumërta janë reagimet që e cilësojnë monstër apo sharje të gjithfarëllojshme, që shpesh barazohen me mizorinë e fjalëve të Kaloçit, e cila e sheh fatkeqësinë e Açkës si diçka të merituar për shkak të bindjeve antikomuniste të saj.
Ashpër ka reaguar edhe këngëtari Luiz Ejlli, i cili e quan Kaloçin farë e keqe dhei uron suksese në ferr.
“Përfshin dhe tët shoq, që të të mbështesë në këtë shkrim-mallkim që ke bërë?! Mirë që ty të paska ikur truri me kohë, por jam kurioz, ai që të ka në krah, a të mbeshtet? Ça të thotë? Në raste si ky, mendoj se heqja e dënimit me vdekje në Shqipëri, është e gabuar! Kush je ti që vendos nëse dikush duhet të vdesë apo jo? A ke fëmijë? A ke shpirt? A ke vëlla? A ke motër, o motër…ça të them më unë ty o…po ça ka lidhje këtu komunist, demokrat, socialist apo LSI o kuçedër frymore, ne kishim dhe kemi fëmijë të komunistave dhe kriminelëve sot në të gjithë vendin, asnjërit s’ia kemi uruar vdekjen. Po s’ke faj ti, s’ke se si ta kuptosh dashurinë dhe dhimbjen e nënës. S’të vjen turp! Farë e keqe! A do guxoje ti që pas këtij shkrimi që ke bere, t’i dalësh para këtyre prindërve të plagosur shpirtërisht? Suksese në jetë tha Beqja, suksese në ferr po të them unë. (Apo të shpëton ateizmi komunist ty?)”, ka shkruar Ejlli.
Postimi i Kaloçit
Fatkeqësi?? Jo
Drejtësi? Po
Ashpërsi? Mbase për disa
Açka, Zhiti, Ngjela, Peka, Velo, etj, etj si këta sperma të prishura përse Natyra i godet me shfarosje të farës, fëmijëve të parë dhe të vetëm, pikërisht atëherë kur mendojnë se kanë siguruar pasardhësin e tyre dhe gjoja kanë përjetuar prindërimin e budallikut e injorancës së tyre??
Përse pasardhësit e kollosit nuk i ka goditur fati me fatkeqësi natyrore (përveçse me padrejtësi e krime njerëzore)!?
Asgjë nuk është rastësi. Mendojeni këtë variant kaq të thjeshtë, se kuptimi i së drejtës dhe jetës fshihet në këto raste e detaje kaq të thjeshta.
Gjithçka shpaguhet në jetë, sidomos mosmirnjohja dhe padrejtësia kur i jep gojës para mëndjes.
