Sekretarja e Thesarit e SHBA, Janet Yellen ka bërë thirrje për më shumë sanksione ndaj Rusisë. Ajo ka thënë se do të lobojë tek anëtarët e Fondit Monetar Ndërkombëtar dhe Bankës Botërore për të rritur presionin financiar ndaj Rusisë, si hakmarrje për agresionin e tyre të vazhdueshëm. Në komentet e javës së kaluar, Yellen dënoi “sulmin e paprovokuar të Vladimir Putin ndaj Ukrainës”.
“Derisa Putini të përfundojë luftën e tij të tmerrshme, administrata Biden do të punojë me partnerët tanë për ta shtyrë Rusinë më tej drejt izolimit ekonomik, financiar dhe strategjik”, tha ajo.Vërejtjet e saj i bëjnë jehonë edhe të Presidentit Joe Biden, i cili ka thënë se Rusia duhet të përjashtohet nga G20 dhe institucionet financiare ndërkombëtare.
Yellen do të mbledhë një panel të martën për të diskutuar përgjigjen ndërkombëtare ndaj një krize të sigurisë ushqimore të përkeqësuar nga pushtimi rus, tha Departamenti i Thesarit.
Zyrtari që informoi gazetarët për orarin e Yellen tha se ajo nuk do të marrë pjesë në takimet me homologët e saj globalë nëse përfshihen zyrtarë rusë. Zyrtarët e Ministrisë së Financave ruse pritet të marrin pjesë nga distanca në një takim të Grupit 20 më 20 prill.
