Kreu i Partisë Demokratike, Lulzim Basha ka reaguar lidhur me rezolutën e hartuar nga Shqipëria dhe SHBA në OKB për qëndrimin ndaj luftës në Ukrainë.
Sipas kreut demokrat, lufta sjell vetëm vdekje dhe shkatërrim, ndërsa shton se gjithmonë ka vend për dialog me vendosmëri për paqen.
“Sesioni Emergjent i OKB-së, pas Rezolutës së KS të OKB-së të propozuar nga Shqipëria & SHBA, është një mundësi për të demonstruar një qëndrim të unifikuar të OKB-së në mbështetje të paqes, pas unitetit të demonstruar nga shumë kombe, NATO dhe BE. Lufta nuk është kurrë një opsion pasi sjell vdekje dhe shkatërrim. Gjithmonë ka vend për dialog, nuk është kurrë vonë. Ky është momenti për këdo që e ka marrë paqen si të mirëqenë, të bashkohet në unitet dhe të punojë me vendosmëri për paqen dhe sigurinë”, shkruan Basha.
