Gjatë një sulmi të armatosur në Afrikën e Jugut, ka mbetur i vrarë nga plumbat e kallashnikovit një shtetas serb.
Mësohet se ngjarja ka ndodhur rreth orës 12 në Highbury në kompleksin Brainson në afërsi të Johanesburgut për shkak të rivalitetit mes bandave.
Dy persona të armatosur i zunë pritë serbit në hyrje të shtëpisë ku jetonte. Makina e tij ishte e blinduar, tentoi që të ikë në këmbë, por u ndoq me armë kallashnikov dhe u vra. Në drejtim të shënjestrës është shtënë 26 herë.
Viktima me inicialet I.X. mbante emrin Ivan Lazarevic në dokumentet e falsifikuara. Shtetasi serb ishte i afërt me Dobras Gavriç, vrasësin e Arkanit në vitin 2000 në Beograd.
Kjo është tjetër vrasje e rivaliteteve të bandave të Serbisë, ku për një vit janë shënuar 6 viktima me shtetas serb.
