Politikani dhe pedagogu Luçiano Boçi e ka konsideruar si një “thikë pas shpine” për maturantët, vendimin e qeverisë për ngritjen e nivelit të mesatares për pranimin e studentëve në universitetet publike pikërisht tani në fund të vitit akademik.
Boçi shprehet se ky njofitm stimulon largimin masiv të maturantëve për të ndjekur studimet në universitetet jashtë vendit.
“Nuk është hera e parë që Rama me ministren e tij të Arsimit i ngul thikë pas shpine, maturantëve, – reagoi Boçi ashpër në rrjetet sociale. – Në të gjithë këto vite e ka bërë rregullisht me ndryshimin e rregullave të pranimit në Universitete. Po kështu me mesataren. Urrejtja e Ramës ndaj të rinjve nuk njeh limite. Tani që matura është pothuaj e përfunduar, është tradhëti t’i deklarosh maturantëve që pragu i hyrjes është rritur!
Nota mesatare është objektiv që vendoset në fillim e jo tekë e Ramës. Kjo stimulon largimin masiv të tyre dhe lënien jashtë universiteteve. Alibia e imponimit të tyre me këtë masë drej arsimit profesional është mashtrim dhe përçmim njëkohësisht i vetë arsimit profesional.”- shkruan Boçi.
