Edhe pse në Parlament apo në rrjete sociale i pëlqen të luajë rolin e “opozitarit”, duke kundërshtuar politikat qeverisëse të PS, deputeti socialist Erion Braçe respekton këshillat e kolegëve të tij.
Në një foto të siguruar nga Faktor.al shihet Braçe duke lëvizur në këmbë, ndërsa në duar mban qesen e pazarit me ushqime dhe bukë. Mesa duket, Braçe është “solidarizuar” me kërkesën e koleges së tij, ministres Belinda Ballu e cila i bëri thirrje qytetarëve të evitonin makinën në distancat e shkurtra, këshillë që Braçe nuk ka nguruar ta zbatojë.
Nuk dihet nëse vërtetë fotoja është bërë pa tendence, apo janë ekspertët e PR që e kanë direktuar të sillet në këtë mënyrë, megjithëse mund të themi se as kjo lëvizje nuk do t’i bindë qytetarët të reduktojnë protestat ndaj partisë së Braçes.
