Deputeti i LSI, Luan Rama i ka bërë thirrje tre kanidatëve për kryeprokuror të përkohshëm që të tërhiqen nga gara.
Luan Rama tha se brenda seancës së Kuvendit po zhvillohet një palaçollëk, në kundërshtim me ligjin dhe frymën e ndryshimeve të bëra në kushtetutë
“Siç po e shihni brenda po zhvillohet një palaçollëk, në kundërshtim me ligjin dhe frymën e ndryshimeve të bëra në kushtetutë,. PS po përpiqet ta mbyllë vitin në mënyrën më të shëmtuar duke tentuar të kapë prokurorin e përgjithshë. Punonjësit e gardës hyjnë pa i thirrur askush, ata duhet të hyjnë vetëm kur i thërret drejtuesi i seancës.
Meqë jemi në një krizë politike i ftoj publikisht tre kandidatët e zgjedhur nga PS që të tërhiqen dhe mos bëhen pjesë e lojës politike. Sepse kostoja që po ndodh në parlament do të jetë e rëndë edhe për ata. Nëse kanë sadopak ndjenjë përgjegjësie të mos pranojnë të zgjidhen në kundërshtim me kushtetutën. Është momenti i tyre të dëshmojnë që dinë të ngrihen mbi palaçollëkun”, tha Luan Rama.
