Forcat amerikane dhe ato afgane kanë gjetur të gjallë djalin e rrëmbyer të ish-kryeministrit të Pakistanit, gjatë një operacioni në Afganistan.
Lajmi u njoftua nga Ministria e Jashtme e Pakistanit.
“Ali Haider Gilani, djali i Yousaf Raza Gilanit, është gjetur sot në një operacion të përbashkët nga forcat e sigurisë afgane dhe amerikane në Ghazni, Afganistan”, thuhet në deklaratë.
Më tutje thuhet se po bëhen përgatitjet për kthimin e tij në Pakistan, pas një kontrolli mjekësor.
Vëllai i tij, Abdul Qadir Gilani, i tha agjencisë së lajmeve AFP, se babai i tyre ndodhet në Afganistan.
Gilani ishte rrembyer nga militantë të dyshuar talibanë më 9 maj të vitit 2013 në Pakistan, dy ditë para zgjedhjeve nacionale, në të cilat ai po bënte fushatë.
Babai i tij ishte kryeministër nga marsi i vitit 2008, derisa u shkarkua dhe akuzua nga Gjykata e Lartë, në prill 2012.
