Gjykata e Rrethit Gjyqësor Shkodër, ditën e sotme ka pranuar kërkesën e avokatëve mbrojtës duke shuar masat e sigurimit “arrest në burg” për disa prej të hetuarve të “Grupit Bajri”.
Gjykata ka shuar masën “arrest në burg” për Safet Bajrin, duke urdhëruar qëndrimin në burg, vetëm për Vendimin Penal të formës së prerë, të ardhur nga Belgjika. Ndërkohë lirohen nga ambientet e paraburgimit edhe Ismet Idrizi, Asmer Bilali dhe Samet Halluni.
Po ashtu janë zgjatur afatet e paraburgimit për Behar Bajrin dhe Ilir Bajrin. Masa e sigurimit është zëvendësuar edhe për Emrah Plakun dhe Jorida Muratin, nga “arrest shtëpie” në “detyrim për paraqitje” në policinë gjyqësore.
4 nga anëtarët e grupit Bajri u arrestuan në kuadër të operacionit “Oaz”, ndërsa u akuzuan për gjobvënie dhe punësim në OSHEE e spitale.
