Gjykata e Apelit ndryshon masën e sigurisë nga “arrest me burg” në “arrest shtëpie’” për Ilir Katiraj, Skënder Doda dhe Gramoz Shehu, të arrestuar 18 ditë më parë për tubim të jashtëligjshëm.
Gjykata e shkallës së parë kishte caktuar më herët masën “arrest me burg”, ndërkohë avokatët e tyre kërkuan ndryshim të masës së sigurisë, me argumentin se klientët e tyre kishin konsumuar të njëjtën vepër penale, sikundër edhe protestues të tjerë që më pas janë lënë të lirë. Ata u arrestuan pasi u akuzuan për bllokim rruge, që me kodin e ri, vepra të tilla dënohen deri në 3 vite burg.
Por banorët e Astirit që prisnin jashtë Gjykatës së Apelit, nuk janë shprehur të kënaqur nga vendimi, ndërsa sot paralajmërojnë një tjetër protestë.
