Liqeni i Ohrit, përfshirë pjesën shqiptare është shpallur pasuri e UNESCO-s.
Gjatë sesionit të sotëm, i 43-të i Komitetit të Trashëgimisë Botërore zhvilluar në Baku në Azerbajxhan, u miratua me unanimitet kërkesa e Shqipërisë për regjistrim të pjesës Shqiptare të Ohrit në Listën e Trashëgimisë Botërore.
Në tre vitet e fundit nën ombrellen e UNESCO-s janë vendosur 3 site natyrore, pyjet mbi 100-vjeçare të ahut në Rajcë, Shalë, së fundi edhe liqeni i Ohrit, fryt i punës disa vjeçare të ekspertëve të mjedisit dhe Ministrisë së Turizmit dhe Mjedisit, në plotësim të dosjes dhe kërkesave për të qenë pjesë e Trashëgimisë Botërore, UNESCO.
