Mjeku Ilir Alimehmeti i ftuar në ‘Syri Digjital’ në Syri Tv, komentoi ligjin kundër largimit të studentëve të mjekësisë. Alimehmeti u shpreh se fakti që e gjithë përpjekja po bëhet tani në muajin korrik dhe jo për çështje kohe, por për të përfituar nga mungesa e studentëve ku shumica prej tyre janë larguar drejt rretheve, për të shmangur kështu një mundësi protestimi masiv.
Gjithashtu Alimehmeti, shtoi se ekziston mundësia që synimi i vërtetë i kësaj ‘zhurme të madhe’ të jetë një lëvizje që synon të dërgojë Universitetin e Mjekësisë drejt privatizimit.
“Absolutisht që është një pengesë për shumë arsye, unë do t’i kapja të gjitha me radhë nga fillimi deri në fund. Së pari nëse ju e mbani mend , kjo histori për herë të parë u dëgjua diku vjet në tetor, pra para fillimit të këtij viti akademik, u përmend në konferencë me rektorët, nga kryeministri, pra, ka pasur gjithë vitin akademik në vete për të ecur përpara me këtë.
Dhe qëllimisht bëhet tani në korrik, si një thikë pas shpine për studentët, të cilët janë në sezon provimesh tani në korrik dhe duhet ta kenë mendjen aty se është detyra e tyre. Bëhet tani në korrik me procedura të përjeshpejtuara dhe jo për çështje kohe sepse koha ka qenë në dispozicion por për të pasur sa më pak reagime të mundshme, duke qenë se ata janë të shpërndarë nëpër rrethe dhe nuk e kanë mundësinë fizike për të reaguar sepse nuk janë në Tiranë.
Ata që ishin, ne i pamë që dolën në reagim. Së pari duket që është një lëvizje me disa drejtime, njërin drejtim e pamë në nëntor 2022 kur kaloi një VKM, një VKM që lejon praktikisht privatizimin e universiteteve nga fondacione.
Është një lëvizje që fare mirë mund të shkojë edhe në këtë drejtim, pra bëhet zhurma e madhe për anën e studentëve, kur në fakt synimi i vërtetë mund të jetë vënia me PPP e çdo lloj universiteti publik, në këtë rast të mjekësisë.
E dyta, çfarë do thotë kjo për studentët? Nuk ke mundësi, nuk shkon dhe nuk bën sens t’ju thuash pasi kanë nisur, pasi kanë kaluar 6 vjet të ndërrosh rregullat e lojës, as në mes të lojës, por në fund të lojës.
Me datë 31 korrik shumë prej tyre mbyllin ciklin e studimeve dhe dalin mjek dhe këtë lëvizje kaq shpejt ua bën vetëm pak ditë përpara”, tha ai.
Mjeku Ilir Alimehmeti i ftuar në ‘Syri Digjital’ në Syri Tv, komentoi ligjin kundër largimit të studentëve të mjekësisë. Alimehmeti u shpreh se fakti që e gjithë përpjekja po bëhet tani në muajin korrik dhe jo për çështje kohe, por për të përfituar nga mungesa e studentëve ku shumica prej tyre janë larguar drejt rretheve, për të shmangur kështu një mundësi protestimi masiv.
Gjithashtu Alimehmeti, shtoi se ekziston mundësia që synimi i vërtetë i kësaj ‘zhurme të madhe’ të jetë një lëvizje që synon të dërgojë Universitetin e Mjekësisë drejt privatizimit.
“Absolutisht që është një pengesë për shumë arsye, unë do t’i kapja të gjitha me radhë nga fillimi deri në fund. Së pari nëse ju e mbani mend , kjo histori për herë të parë u dëgjua diku vjet në tetor, pra para fillimit të këtij viti akademik, u përmend në konferencë me rektorët, nga kryeministri, pra, ka pasur gjithë vitin akademik në vete për të ecur përpara me këtë.
Dhe qëllimisht bëhet tani në korrik, si një thikë pas shpine për studentët, të cilët janë në sezon provimesh tani në korrik dhe duhet ta kenë mendjen aty se është detyra e tyre. Bëhet tani në korrik me procedura të përjeshpejtuara dhe jo për çështje kohe sepse koha ka qenë në dispozicion por për të pasur sa më pak reagime të mundshme, duke qenë se ata janë të shpërndarë nëpër rrethe dhe nuk e kanë mundësinë fizike për të reaguar sepse nuk janë në Tiranë.
Ata që ishin, ne i pamë që dolën në reagim. Së pari duket që është një lëvizje me disa drejtime, njërin drejtim e pamë në nëntor 2022 kur kaloi një VKM, një VKM që lejon praktikisht privatizimin e universiteteve nga fondacione.
Është një lëvizje që fare mirë mund të shkojë edhe në këtë drejtim, pra bëhet zhurma e madhe për anën e studentëve, kur në fakt synimi i vërtetë mund të jetë vënia me PPP e çdo lloj universiteti publik, në këtë rast të mjekësisë.
E dyta, çfarë do thotë kjo për studentët? Nuk ke mundësi, nuk shkon dhe nuk bën sens t’ju thuash pasi kanë nisur, pasi kanë kaluar 6 vjet të ndërrosh rregullat e lojës, as në mes të lojës, por në fund të lojës.
Me datë 31 korrik shumë prej tyre mbyllin ciklin e studimeve dhe dalin mjek dhe këtë lëvizje kaq shpejt ua bën vetëm pak ditë përpara”, tha ai.
