Kryebashkiaku i Tiranës Erion Veliaj shpesh është ironizuar në rrjet për shkak të imitimit nga ana e tij të disa liderëve ndërkombëtarë.
Por ai duket se nuk e ka harruar sërish “vesin”. Së fundi i kopjuari i radhës është Kryetari i Bashkisë së Oklahomës. David Holt duke parë aksidentet e shumta që po ndodhnin në rrugë vendosi të sensibilizojë qytetarët duke shkruar në tabletat e rrugëve “Buckle up Keke, Stay in your car,” që do të thotë “Lidhe rripin Keki, rri brenda makinës.” Kjo pasi shumë të rinj, për të realizuar sfidën #InMyFeelingsChallenge dilnin nga makina në rrugë duke kërcyer.
Megjithëse aksidentet në rrugët e Shqipërisë janë të shpeshta, krejt e kundërta është në Tiranë. Por siç duket Veliaj është tunduar nga kjo gjetje të cilën e ka kopjuar për ta përshtatuar për shqiptarët.
Ai ka publikuar një foto nga rrugët e Tiranës në rrjetet sociale ku shihet mesazhi i shkruar: “Lidhe rripin Kiki! Drake do të të mirëkuptojë!”
