Libri “Bosnja: Një pikëpamje nga “Tirana” i ambasadorit Shaban Murati u promovua ditën e mërkurë në Sarajevë nga “Qendra ballkanike e analizave dhe studimeve”.
Në promovimin e librit morën pjesë personalitete të jetës kulturore, akademike e politike të Sarajevës, studjues, studentë, ish Kryeministri i Bosnjë-Hercegovinës, z.Edhem Bicakcic dhe ambasadori i Bosnjë-Hercegovinës në Shqipëri, Nusret Cancar etj.
Ish Kryeministri i Bosnje-Hercegovinës analizoi me hollësi vlerat e librit për Bosnjën dhe tha se libri ndriçon të vërtetat e çështjes boshnjake nga këndvështrimi i rëndësishëm shqiptar dhe përbën një dokument të ri shumë të vlefshëm për gjithë diplomatët dhe studjuesit, që merren dhe do të merren në të ardhmen me çështjen boshnjake.
