Kryeministri Edi Rama ka vizituar ditën e sotme një fabrikë në qytetin e Lezhës ku ka parë nga afër një investim të dy vllezërve emigrant që janë rikthyer në vend për të investuar.
Gjatë dialogut me investitorët, Rama theksoi se prej vitesh Shqipëria ka pasur probleme lidhur me shfrytëzimin e potencialeve që ka vendi.
Më poshtë pjesë nga dialogu i Ramës më dy vllezërit investitorë:
Rama: Po shoh se paskeni goxha të rinj këtu, me siguri i paguani mirë,(qesh)
Biznesmenët: Po ne kemi investuar shumë në kualifikimin e puntorëve tanë dhe të themi të vërtetën janë goxha mirë të paguar, krahasuar me administratën e shtetit (qeshin). Por ne fakt kemi pasur dhe vështirësi për të gjetur të rinj të kualifikuar për këtë lloj pune.
Rama: A për këtë drejtim, jurista doni? Se jurista kemi boll.
Biznesemenët: Jo jo, tani nuk kemi nevojë për juristë për momenitin, na duhen inxhiniera
Rama: Problemi është që ne në këto 25 vjet nuk kemi bërë një planifikim për të parë nevojat që ka tregu, për të fokusuar dhe të rinjtë të studiojnë ato degë që tregu kërkon.
Biznesmenët: Duhet që edhe Shkollat profesionale që po hapen të përqëndrohen aty ku tregu ka më shumë nevojë.
