Policia e Lezhës ka arrestuar një 65-vjeçar, pasi ka goditur një mjek në urgjencën e Spitalit të Lezhës.
Në pranga ka përfunduar shtetasi me iniciale P.P, 65 vjeç, pasi dyshohet se ka dhunuar mjekun për shkak të detyrës, ndërsa ka nisur procedimi ndaj agresorit.
Shërbimet e Komisariatit Lezhë, pas njoftimit të marrë nga urgjenca e Spitalit se një shtetas ka goditur një mjek kanë shkuar menjëherë në urgjencën e spitalit ku kanë bërë shoqërimin dhe arrestimin në flagrancë të shtetasit P.P. 65 vjeç. Ky shtetas rreth orës 09:35, tek urgjenca e Spitalit Rajonal Lezhë, për shkak të detyrës ka goditur mjekun e urgjencës.
Materialet procedurale do ti kalojnë Prokurorisë Pranë Gjykatës së Shkallës Parë Lezhë për veprën penale “Goditje për shkak të detyrës.
