Policia e Vlorës ka arrestuar ditën e sotme një 26 vjeçar në Gjirokastër, pasi akuzohet për armëmbajtje pa leje.
Sipas policisë, “në vëndin e quajtur “Ura e Viroit” gjatë kontrollit të ushtruar nga shërbimet e policisë, 26-vjeçarit Eros Spahiu i është gjetur (në brez) një armë zjarri pistoletë e llojit GLOCK me 14 fishekë”.
Në cilësinë e provës materiale u sekuestruan arma e zjarrit me fishekët dhe automjeti. Gjithashtu nga shërbimet e policisë është bllokuar dhe mjeti i blinduar në të cilin udhëtonte si pasagjer ky shtetas, pasi mjeti nuk dispononte dokumentacion të rregullt.
Materialet në ngarkim të tij i kaluan Prokurorisë së Rrethit Gjyqësor Gjirokastër për veprën penale “Prodhim dhe mbajtje pa leje e armëve luftarake dhe municionit”.
