Lëkundje tërmeti, kësaj radhe epiqendra është zhvendosur nga deti Adriatik dhe zona përreth Durrësit, e cila ka qenë tepër aktive prej 21 shtatorit në pjesën Verilindore të vendit.
Instituti i Gjeoshkencave Ujit dhe Mjedisit, njofton se epiqendra ka qenë 1.7 km në veri të Shumatit në Dibër, me magnitudë 3.2 të shkallës Rihter dhe është ndjerë në orën 07:26 minuta. Nuk ka të dhëna për dëme materiale.
Kujtojmë se më 21 shtator pjesa qendrore e vendit u godit nga një tërmet i fortë i shkallës 5.6 dhe u pasua nga disa goditje të tjera në ditët në vijim. Tërmeti la pas qindra shtëpi e objekte të dëmtuara dhe të plagosur.
