I pyetur nga gazetarët nëse i konsideron si leksione deklaratat e ambasadores Yuri Kim, ku i bën thirrje politikës të mos ndërhyjë në punët e drejtësisë, kryeministri Edi Rama bëri lojë fjalësh.
Në përgjigjen e tij, Rama tha se ishte dakord me ambasadoren, por nuk kurseu ironinë kur tha se ajo ka ngatërruar adresë, pasi sipas tij SPAK duhet t’i drejtohet dhe opozitës.
“Unë jam shumë dakord me këtë, thjesht adresa është gabim. Unë them se siç vjen në anën tonë duhet të shkojë në çdo anë, nuk duam drejtësi e pjesshme. Nuk kam asnjë dallim me zonjën amerikane në këtë pikë. Flas me ndërhyrjet, për presion. Këtë mua s’ma thotë dot askush, as shqip as anglisht, frëngjisht. Nuk i pranoj, zero, nuk më intereson. Unë them timen, njerëzit gjykojnë”, tha Rama.
Dhe më herët, kryeministri i është përgjigjur në mënyrë indirekte Kim duke i thënë se askush nuk mund t’i tregojë atij ndërhyrjen në drejtësi, dhe duke ngritur pikëpyetjen për krisjen e marrëdhënieve mes tyre.
