Një operacion i policisë së Sarandës, ka vënë në pranga shefen e IKMT në qytetin bregdetar Romina Pulaj, pasi gjatë hetimeve të kryera u konstatua se ajo ka shpërdoruar detyrën.
Mësohet se, Pulaj ka lejuar ndërtimin e një pallati 7-katësh, i cili rezulton se nuk kishte leje ndërtimi të lëshuar nga bashkia Sarandë. Ndërsa, gjithashtu është shpallur një biznesmen i njohur, Tando Papuçi, si i implikuar në këtë zhvillim.
Përveç procedimit të Pulajt dhe biznesmenit, Prokuroria e Sarandës ka urdhëruar sekuestrimin e pallatit 7-katësh. Materialet i kaluan për veprime të mëtejshme Prokurorisë pranë Gjykatës së Shkallës së Parë Sarandë, për veprat penale “Shpërdorim i detyrës” dhe “Ndërtimi i paligjshëm”.
