Pas zërave për një krisje të raporteve me klubin dhe nxjerrjen në shitje të Thomas Strakoshës, Lazio ka reaguar zyrtarisht në lidhje me situatën e portierit të kombëtares së Shqipërisë.
Në një njoftim për mediat, klubi bardhekaltër sqaron se “gardiani” vazhdon të jetë i dëmtuar dhe kjo është arsyeja e vetme pse ai qëndron jashtë skuadrës.
“Thomas Strakosha ka pësuar ditët e fundit një dëmtim në gjurin e djathtë. Për momentin nuk është e nevojshme ndërhyrja kirurgjikale. Portieri po monitorohet ditë pas dite për të vlerësuar kohët e rikuperimit. Çdo gjë tjetër është spekulim. Mes lojtarit dhe klubit ka një respekt dhe besim reciprok dhe këtë ai e ka treguar me profesionalizmin në fushë”,- lexohet mes të tjerash në njoftimin e shpërndarë nga Lazio.
