Pak ditë kanë kaluar nga hyrja e muajit shtator, ndërsa në vend është rikthyer ditën e sotme i nxehti përvëlues.
Pritjet e gjata në pikun e vapës, të paktën gjys ore në stacionet e autobusëve, ishin vërtet orë të frikshme në stinën e gushtit. Fëmijë, pleq dhe plaka përveç pritjes në pikë të vapës dhe pa asnjë kusht në stacion vuanin pafund edhe shtypjen nga njerëzit në autobuz.
Ky problem haset prej kohësh në linjën e “autobusëve me zemër”, atyre të linjës Stacioni i Trenit- Teg.
Me kapërcimin e verës menduam se ja dolëm dhe me mundimin në linjat skandaloze të autobuzëve në kryeqytet.
Por ja si është situata edhe ditën e sotme. Mbi-mbushje autobusësh, asnjë kondicioner i hapur, autobusi që ecën me dyer të hapura, dhe një edukatë faturinoje që të lë për të dëshiruar.
Sipas tij të kota janë fjalët dhe ankesat me të cilat i drejtohemi, ai nuk ka asgjë në dorë, pasi çdo gjë varet nga pronari.
Edhe pak ditë na ndajnë nga fillimi i shkollës, dhe me siguri stërmundime të gjata na presin përpara. Po mbajmë në kurriz jo vetëm rritjen e biletës dhe abonesë por edhe njerëzit. Lali Eri ne po e vuajmë në kurriz, po ti?
