Policia e Durrësit ka sqaruar ngjarjen e raportuar mëngjesin e sotëm se një vajzë është hedhur nga kati i tretë i një pallati.
Blutë raportojnë se 22-vjeçarja me iniciale P.G. nuk është hedhur nga ballkoni se është trembur nga hajdutët, por është rrëzuar nga shkallët e një pallati të pabanueshëm në gjendje të dehur.
22-vjeçares i është dhënë ndihma e parë mjekësore dhe më pas është larguar për në banesën e saj.
Njoftimi i plotë i policisë së Durrësit:
Në lidhje me një lajm të publikuar nga media online se një grua është hedhur nga kati i tretë i një pallati ju sqarojmë se:
Me datë 25.10.2019 rreth orës 01:25 Policia e Qarkut Durrës me anë të një telefonate ka marrë njoftim se në lagjen Nr13 është rrëzuar nga shkallët një shtetase femër.
Menjëherë janë afruar Shërbimet e Policisë në vendin e dhënë ku kanë konstatuar se shtetësia P.G. 22 vjeçe, në gjendje të dehur ishte rrëzuar nga shkallët e një pallati të pabanueshëm.
Shtetases së mësipërme i është ofruar ndihma e parë mjekësore, e cila më pas është larguar për në banesë.
