Një ditë pasi ishte liruar nga burgu, u arrestua sërish Ibrahim Ghandour, kreu i ish-Partisë së Kongresit Kombëtar të shpërbërë tashmë dhe ish-ministër në nën presidentin e rrëzuar Omar al-Bashir.
Lirimi i Ghandour dhe disa aleatëve të tjerë të Bashirit në ditët e fundit, pas një grusht shteti nga ushtria javën e kaluar, ishte kritikuar gjerësisht në vend.
Ghandour ishte arrestuar më parë nën urdhrat e një “task force” që synonte të çmontonte dhe të parandalonte rikthimin e sundimit tre dekadash të Bashirit, i cili përfundoi në 2019.
Ai ishte liruar të dielën në mbrëmje, sëbashku me dy ish-zyrtarë të inteligjencës. Dy aleatë të tjerë të Bashir, ishin liruar gjithashtu të shtunën, thanë burimet gjyqësore.
Prokurori publik i Sudanit u shkarkua gjithashtu të dielën mbrëma.
Zyra e zëdhënësit të qeverisë, ende e lidhur me autoritetet civile që u hoqën javën e kaluar, tha në një deklaratë se lirimi i figurave të epokës së Bashirit “përbën një pengesë ndaj sundimit të ligjit”.
