Dënohet me 12 muaj burg një shqiptar në Angli. 23 vjeçari Renaldo Shyti u arrestua për trafik droge, pasi u kap nga policia në një parkim makinash në Suffolk Retail Park më 8 tetor. Kur oficerët kontrolluan makinën, ata gjetën 22 doza kokaine anash derës së shoferit.
“Gjërat nuk janë të miat. Më detyruan të bëj diçka.“, tha i riu në polici. Kur telefoni i tij u ekzaminua, u zbulua se përmbante kodet postare të vendeve ku ai do të dërgonte drogën. Gjatë dëshmisë, ai tha se kishte qenë i pastrehë dhe i kishin kërkuar të dorëzonte drogë në Ipsëich pasi kishte një borxh prej 5,000 £.
Gjykata dëgjoi se përpara se të vinte ilegalisht në Britaninë e Madhe, në gusht të vitit të kaluar, Shyti kishte qenë duke kryer studimet për laborant dentar në Shqipëri dhe tani ai dëshironte t’i kthehej jetës së tij atje.
