Është votuar me 77 vota pro qeveria dhe programi qeverisës “Rama 3”, pas një seance maratonë në sallën e Kuvendit, e cila nisi prej orës 10:00 të ditës së djeshme dhe përfundoi në orët e para të mëngjesit të sotëm.
Në fund të seancës maratonë, kryetarja e Kuvendit, Lindita Nikolla, bëri të ditur rezultatin, prej ku 77 deputetë kanë dhënë votën pro programit të qeverisë së re, 53 kanë votuar kundër dhe 1 abstenim.
Kujtojmë se seanca plenare e së enjtes ka nisur me prezantimin e programit të qeverisë nga kryeministri Edi Rama më pas është shoqëruar me debate nga ana e opozitës në lidhje me pyetjet që kishin për programin.
Debatet mes opozitës dhe mazhorancës kanë zgjatur deri në orët e para të mëngjesit.
