Aleksandër Sadikaj është 27-vjeçari që humbi jetën pas atentatit me tritol që iu bë ditën e sotme. I riu ishte duke drejtuar mjetin ‘Benz’ në rrugën Sauk-Teg në momentin që mjeti shpërtheu në flakë.
Ende nuk dihet kush ishte shënjestra e atentatit, kjo pasi mësohet se mjeti është në emër të Petrit Osmanit. Nuk dihet nëse autorët kishin për qëllim eleminimin e të riut apo të Osmanit.
Në vendngjarje kanë mbërritur shërbimet e policisë, zjarrfikëses e autoambulanca, për të zbuluar dhe shkaqet e shpërthimit. Flakët dhe tymi i zi ka përshkruar të gjithë aksin, ndërsa ngjarja ka shkaktuar trafik të dendur makinash.
