Modelja e njohur shqiptare Angela Martini, e cila në rrjetet sociale bie jo pak në sy për jetën luksoze, udhëtimet, sfilatat në pasarelat njohura, dëfrimet në plazhet më të nxehta dhe vendet piktoreske, më në fund zbulon milionerin që qëndron krah saj.
Revista Who ka publikuar disa foto të modeles, duke zbuluar edhe më shumë detaje për njeriun që ajo ka në krah dhe që i mundëson jetën e luksit. Bukuroshja shkodrane, prej kohësh është në një lidhje me Dragos Savulescu, producent filmash, i cili ka hyrë në industrinë e kinemasë gati tre vjet më parë, 2013. Nga sa mësohet, Dragos ka lindur dhe është rritur në Bukuresht të Rumanisë, por vitet e fundit jeton në Los Angeles – aty ku edhe është njohur me modelen shqiptare.
Siҫ shkruan Who, Dragos Savulescu, deri në 2012 ka qenë president i klubit të futbollit Dinamo, një prej skuadrave më të suksesshme në Europën Lindore. Savulescu është një biznesmen rumun i shquar me sipërmarrje të suksesshme në pasuri të patundshme, ku ka zhvilluar një portofol të fortë të transaksioneve të pasurive të patundshme që arrijnë në disa miliardë euro, si dhe është marrë me turizëm, konsulencë, shkëmbim të aksioneve, sport dhe me botime.
Së fundi ajo ka postuar edhe një foto nga Festivali i Kanës, ku ka kaluar këto ditë së bashku me të dashurin në krah.
