Është e rëndësishme të jeni të kujdesshëm me gjërat që ia thoni shefit, pasi edhe gabimi më i vogël mund t’ju kushtoj karrierën. Përveç ofendimeve dhe sharjeve qe nuk duhen kurrsesi , këto janë disa fjalë dhe fraza të tjera që asnjëherë nuk duhet t’ia thoni shefit.
1.“E ke gabim”
Kritika e hapur ndaj shefit është mënyrë e sigurt për të siguruar përjashtimin në mbledhjet e ardhshme.
2.“Nuk është pjesë e punës time” Asnjë përshkrim i punës nuk e tregon plotësisht të vërtetën, prandaj mos pritni që në punën tuaj do të bëni vetëm atë që jua kanë thënë. Nëse deklaroni se nuk do të punoni përtej detyrave tuaja, kjo tregon se jeni pengesë drejt rrugës së suksesit të kompanisë.
3.“Nuk mundem”
Gjithmonë duhet të mbani qëndrim pozitiv dhe të deklaroni se mund t’i bëni të gjitha detyrat, pasi që kjo sjellje është trajtë e vlerësuar mirë. “Nuk mundem” tregon mungesë të vetëbesimit dhe mungesë të vullnetit për të punuar, gjëra të cilat nuk shkojnë në favorin tuaj.
4.“Nuk e di”
Ju mund të mos e keni përgjigjen për çdo pyetje, mirëpo mund të përpiqeni ta gjeni atë, pasi që kjo është më mirë sesa rrudhja e krahëve. Përndryshe, nëse thoni se nuk dini të bëni diçka të caktuar, shefi juaj çdo herë do të supozoj që nuk mund të dini edhe gjëra tjera.
