Veç ngjarjes fakt që ndodh atje në botën jashtë, ka edhe një realitet paralel që ndërtohet e merr jetë brenda mureve të redaksive.
E tillë ishte dhe vrasja e gjyqtares Fildes Hafizi. E vrara nuk ekziston më që të “rrëfehet ekskluzivisht”, ndaj dhe mediat rendin tek cilido që e njihte sadopak dhe është gati të flasë para mikrofonit.
Vdiq një grua, u vra nga ish-burri. Pasi flasin miqtë, fëmijët, komshia e çdokush që pati një bisedë, telefonatë, a “gjë” të fundit me të, media rend në kampin tjetër.
I vëllai i autorit thotë dy fjalë. Si vëllai për vëllanë, kurse kunata që nuk është më s’ka si të mbrohet para ndonjë fjale të rëndë që i thuhet pas vdekjes.
Ky është një rast, i fundit që ndodhi, por media në rrugën e saj të përditshme justifikon e transmeton detaje e biseda të shumta që për pak arsye në botë do t’i transmetoheshin publikut.
Ato pak arsye janë klikimet, që duhet dyshuar në pranohen si arsye.
