Zv.kryeministri Arben Ahmetaj është pyetur ndër të tjera nga gazetarët pas mbledhjes së qeverisë se kur do të marrin fund bordet që caktojnë çmimet e karburanteve dhe ushqimeve në vend.
Ahmetaj tha se jemi ende ne krizë dhe se qeveria do të vazhdojë që të përdorë të gjithë mekanizmat që të frenojë rritjen e çmimeve.
“Sot morëm një seri detyrash, janë mbi 20 detyra që dha kryeministri për ndjekjen dhe përballimin e krizës. Është një krizë e shkaktuar nga njeriu, bllokimi i rrugëve të furnizimit, qeveria do të vazhdojë që të përdorë të gjithë mekanizmat që të frenojë rritjen e çmimeve”, tha Ahmetaj.
