Fermerët e Çermës kanë dalë sot në protestë, por si mbështetës kanë edhe deputetin e Partisë Socialiste, Erion Braçe. Në një prononcim për mediat nga Cerma, Braçe thotë se çmimi i grurit ka rënë aq shumë saqë fermerët janë zhytur në faliment.
“Nga Velipoja deri poshtë në Ksamil, çfarë do të hanë njerëzit. Sepse i kemi thirrur njerëzit, u themi turistëve që të vijnë, por çfarë do të hanë. Nëse falimenton kjo ekonomi bujqësore, ka falimentuar ekonomia e të gjithë vendit. Ai shkon në emigracion dhe merr më shumë lekë,” tha Braçe.
Nuk është hera e parë që Braçe ngre zërin për fermerët pasi disa herë në parlament ai ka kërkuar nga qeveria që të investojë më shumë për këtë shtresë, por kërkesa e tij ka rënë në vesh të shurdhët.
