Kryeministri Edi Rama ka prezantuar programin për bujqësinë para fermerëve të Perondisë në Kuçovë.
Rama tha se nuk do të flemë gjumë derisa fermeri i fundit të ketë marrë tokën në pronësi, dhe se qeveria do të jetë një mbështetje reale për çdo familje fermeri.
Duke folur për kanalizimet, Rama tha se në 25 vjet sistemi i kanalizimeve në bujqësi pësoi dëme të tmerrshme.
“Është qesharake që diskutohet ende uji dhe eskavatorët në 2016”, vijoi Rama, ndërsa bëri të ditur se bashkive u janë vënë në dispozicion pajisjet për të pastruar kanalet.
