Një 63-vjeçar ka rënë në prangat e “bluve” në Gjirokastër për kultivim të lëndëve narkotike. Burimet bëjnë me dije se pas hekurave ka rënë shtetasi me iniciale B.N, banues në fshatin Zenelaj, në Gjirokastër.
Mësohet se pas kontrollit në banesën e këtij shtetasi policia ka sekuestruar 16 fidanë, cannabis sativa dhe një sasi municioni luftarak.
“Si rezultat i operacionit u arrestua në flagrancë shtetasi B. N., 63 vjeç, banues në fshatin Zenelaj, Gjirokastër. Arrestimi i këtij shtetasi u bë pasi nga kontrolli i ushtruar në fshatin Zenelaj, Gjirokastër, në afërsi të banesës së shtetasit B. N., janë gjetur të kultivuar 16 fidanë të dyshuar narkotikë cannabis sativa.”-njofton policia.
