Eric Adams, kryetar i zgjedhur i qytetit të Nju Jorkut, tha se dëshiron që tre çeqet e para të pagesës t’i marrë në bitcoin.
Sipas Politico, ish-kapiteni i policisë u zgjodh këtë javë dhe do të marrë detyrën në fund të mandatit të kryebashkiakut Bill de Blasio, në muajin janar. Adams tha në mediat sociale se dëshiron ta bëjë Nju Jorkun “qendër të industrisë së kriptomonedhave”.
“Në New York, ne gjithmonë bëjmë hapa të mëdhenj, kështu që unë do t’i marr tre çeqet e para të pagës në bitcoin, kur të bëhem kryetar. Qyteti i Nju Jorkut do të jetë qendër e industrisë së kriptomonedhave dhe industrive të tjera inovative”, shkroi Adams në një postim në Twitter.
Vlera e bitcoin-it, kriptomonedhës më të madhe në botë, ka qenë shumë e paqëndrueshme prejse është krijuar në vitin 2009. Adams, demokrat, u zgjodh të martën dhe do të bëhet kryetari i dytë me ngjyrë i qytetit. Dëshira e Adams për t’u paguar drejtpërdrejt në Bitcoin nxori në pah një sërë shqetësimesh praktike rreth monedhës dixhitale. Crypto ende përballet me pengesa të mëdha si një mjet për pagesat e përditshme, pjesërisht sepse tatohet nga IRS si pronë. Ka gjithashtu pyetje se si një pagë e bazuar në Bitcoin do të lidhej me ligjet federale të punës. Është e paqartë se kush do të kontrollonte “portofolin” dixhital që qyteti do të duhej të përdorte për të paguar Adams.
